HOME   /  La poesia contemporanea   /  Franco Loi

Forsi û tremâ cume de giass fa i stèll

da "Lünn" (1982)

 

Forsi û tremâ cume de giass fa i stèll, 
no per el frègg, no per la pagüra, 
no del dulur, legriâss o la speransa, 
ma de quel nient che passa per i ciel 
e fiada sü la tèra che rengrassia… 
Forsi l’è stâ cume che trèma el cör, 
a tí, quan’ne la nott va via la lüna, 
o vegn matina e par che ‘l ciar se mör 
e l’è la vita che la returna vita… 
Forsi l’è stâ cume se trèma insèm, 
inscí, sensa savèl, cume Diu vör…

 

Forse ho tremato come di ghiaccio fanno le stelle

da "Lünn" (1982)

 

Forse ho tremato come di ghiaccio fanno le stelle,
no per il freddo, no per la paura,
no del dolore, del rallegrarsi o per la speranza,
ma di quel niente che passa per i cieli
e fiata sulla terra che ringrazia...
Forse è stato come trema il cuore,
a te, quando nella notte va via la luna,
o viene mattina e pare che il chiarore si muoia
ed è la vita che ritorna vita...
Forse è stato come si trema insieme,
così, senza saperlo, come Dio vuole...

 

Sèm poca roba, Diu, sèm squasi nient

da "Liber" (1988)

 

Sèm poca roba, Diu, sèm squasi nient, 
forsi memoria sèm, un buff de l’aria, 
umbría di òmm che passa, i noster gent, 
forsi ‘l record d’una quaj vita spersa, 
un tron che de luntan el ghe reciàma, 
la furma che sarà d’un’altra gent… 
Ma cume fèm pietâ, quanta cicoria, 
e quanta vita se porta el vent! 
Andèm sensa savè, cantand i gloria, 
e a nüm de quèl che serum resta nient.

 

Siamo poca roba, Dio, siamo quasi niente

da "Liber" (1988)

 

Siamo poca roba, Dio, siamo quasi niente,
forse memoria siamo, un soffio d'aria,
ombra degli uomini che passano, i nostri parenti,
forse il ricordo d'una qualche vita perduta,
un tuono che da lontano ci richiama,
la forma che sarà di altra progenie...
Ma come facciamo pietà, quanto dolore,
e quanta vita se la porta il vento!
Andiamo senza sapere, cantando gli inni,
e a noi di ciò che eravamo non è rimasto niente.

 

Vòltess

da "Lünn" (1982)

 


Vòltess, sensa dagh pés, cume se fa 
quand ch'i penser ne l'aria slisen via, 
vòltess per abitüden lenta, sensa sâ, 
cume quj donn che per la strada i gira 
la testa per un òmm, in câ, o sü la porta, 
vòltess per simpatia d'un rümur luntan, 
o d'una runden sü nel ciel stravolta, 
vòltess sensa savè, per vuluntâ 
d'un quaj penser bislacch, o per busia, 
vòltess per returnà, che smentegâ 
sun mì che dré di spall te rubaria 
quel nient del camenà, quel tò 'ndà via.

 

Vòltess

da "Lünn" (1982)

 

Vòltati, senza dar peso, come si fa 
quando i pensieri nell'aria scivolano via,
voltati per abitudine, lenta, senza senso
come quelle donne che per strada girano
la testa per un uomo, in casa, o sulla porta,
voltati per simpatia d'un rumore lontano,
o d'una rondine su nel cielo stravolta,
voltati senza sapere, per volontà
d'un qualche pensiero bizzarro, o per bugia,
voltati per ritornare, che dimenticato
ci son io dietro le spalle per rubarti
quel niente del camminare, quel tuo andare via.

Se scriv perchè la mort, se scriv 'me sera

da "L'Aria" (1981)

 

Se scriv perchè la mort, se scriv 'me sera 
quan' l'òm el cerca nient nel ciel piuü,
se scriv perchè sèm fjö o chi despera,
o che 'l miracul vegn, forsi vegnü,
se scriv perchè la vita la sia vera,
quajcòss che gh'era, gh'è, forsi ch'è pü.

 

Si scrive perchè la morte, si scrive come sera

da "L'Aria" (1981)

 

Si scrive perchè la morte, si scrive come sera
quando l'uomo cerca niente nel cielo piovuto,
si scrive perchè siamo ragazzi o chi dispera,
o che il miracolo venga, forse venuto,
si scrive perchè la vita sia più vera,
qualcosa che c'era, c'è, forse non c'è più.

Me piasaríss de mí desmentegâss

da "Lünn" (1982)

 

Me piasaríss de mí desmentegâss, 
e camenà, e respirà per tí, 
vèss cume i fjö che quand je branca el sû 
se làssen sumenà due el vör lü, 
e mai truâss, e pü capí de mí, 
ma vèss giuius de l’aria che me tira 
due che la vita la se pensa vîv.

 

Mi piacerebbe di me dimenticarmi

da "Lünn" (1982)

 

Mi piacerebbe di me dimenticarmi,
e camminare, e respirare per te,
essere come i ragazzi che quando li prende il sole
si lasciano seminare dove lui vuole,
e mai ritrovarsi, e non più capire di me stesso,
ma essere gioioso dell'aria che mi attira
là dove la vita si pensa vivere.